Melawanataolo ya Afrika Borwa e laela gore batho ba go ba le kgahlego gammogo le bao ba amegago ba fane ka tshedimošo ya boikgokaganyo bjale ka karolo ya mananeo a taolo ao a phethagatšwago, e.g., Molao 5 wa 2009 wa Bosetšhaba wa Dinamelwa tša Naga, Molao 2 wa 2000 wa Tlhohleletšo ya Phihlelelo, Molao 3 wa 2000 wa Tlhohleletšo ya Taolo ya Toka, le ye mengwe. Go ya ka Lebaka 6, melawanataolo 17 – 18 ya Molao 4 wa 2013 wa Tšhireletšo ya Tshedimošo ya Sebele, Bataolo ya Dinamelwa tša Gauteng (Transport Authority for Gauteng (TAG)) ba hlokega gore ba tšweletše lebaka la go kgoboketša tshedimošo ya sebele ge ba kopana le bakgathatema gammogo le go laetša gore tshedimošo ya sebele ya batšeakarolo e tlo šomišetšwa morerong wa eng.
Lebakeng la projeke ya go hlabolla le go beakanya Leano la Dinamelwa (STP) la Profense ya Gauteng le Leano la Phethagatšo ye e Momagantšwego (IIP), TAG e kgoboketša tshedimošo ya sebele ya boikgokaganyo ya batšeakarolo gore go šomišanwe gammogo le go tšea karolo projekeng.
Ka go realo, TAG e tlo šomiša tshedimošo ya sebele ya boikgokaganyo ya batšeakarolo gore e boledišane le bona mabapi le diphihlelelodikgolo tša projeke, go ba laletša gore ba fe ditshwayoswayo, gammogo le go fana ka bohlatse bja lenaneo, e.g., mananeo ao a saenwago ke bao ba lego kopanong ebile a na le dintlha tša boikgokaganyo tša bao ba lego kopanong gammogo le ditshwayoswayo tšeo di amogetšwego go tšwa go batšeakarolo ba di lebiša go MEC wa Ditsela le Dinamelwa tša Gauteng.
Mosaeni wa ka fase o dumelela gore tshedimošo ya gagwe ya boikgokaganyo e abilwe ka tumelelano ya boithaopo.
Temošo: TAG e tla netefatša gore tshedimošo ya boikgokaganyo ya batšeakarolo e dula e le sephiri fao go kgonegago. TAG ga e tšee boikarabelo bja tshedimošo ya boikgokaganyo ye e abjago ke batšeakarolo ye e ka tšweletšwago ke bataolo go maloko a boraro.
